توفي الوالد العزيز السبت اللي فات ٢٠ فبراير ٢٠٢١ بعد صلاة العصر و بعد ما قفلت معاه مكالمة تليفون ب ٥ دقايق بالظبط. مات فجأة و ذهب سريعا خفيفا يسيرا في الغسل و الجنازة و الدفن. رحمه الله و طيب ثراه. كل حاجة احساسها مختلف من ساعتها و كتابتي هنا احساسها مختلف تماما
الموت الفجأة موجع جدا و أعتقد مفيش منه تعافي خصوصا أما يكون الوالد العزيز رحمه الله – الواحد بيمر عليه سلسلة أحاسيس و مشاعر عمره ما حس بيها.
أنا أمي متوفاه و أنا ابن ١٦ سنة و ساعتها طبعا زعلت عليها بس سبحان الله المرة دي الوجع مختلف تماما. يمكن عشان كبرنا و يمكن عشان فقد الأب مختلف عن فقد الأم و يمكن عشان كنت صغير. كنت دايما متخيل في وجداني الإنساني القاصر ان طالما اتحرمت من أمي يبقى والدي ربنا هيطول في عمره – حاشا أن أملي على الله ما يدبر و ما يقدر و لكنه كان أمل من نظرة قاصرة للحياة الدانية.
كنت دايما بدعي لبابا ربنا يطول في عمره و يرضيه عني و يدخلنا الجنة – و بعدين بفكر دلوقتي في الدعوة دي و انها ما كانتش لبابا بس- هي كانت على حسابه و حساب راحته في الدنيا. ربنا سبحانه و تعالى قرر يسترده عنده و يريحه من مرض آذى بابا طول سبع سنوات. ربنا يعافينا و يعافيكم من أمراض القلب كلها.
دعوتي لم تستجاب و دا الخير لأنه كان على خير و لا أزكي على الله أحدا. عاش مجاهدا للبلاء و منفقا في سبيل الله و متوكلا على الله في أموره كلها فلن يخذله الله و لن يكله في الآخرة بإذن الله.
كل يوم بالليل بنام و نفسي أصحى تاني يوم من الأحداث دي كأنها كابوس عادي في ليلة صعبة بس بصحى أكتشف انه مش كابوس بل حقيقة مؤلمة و الحمد لله. أرجو من الله أن يهون علينا أنا و أهلي مع الوقت بإذن الله.
بس أهو الواحد بيشوف اد ايه الدنيا دي فعلا لا تساوي عند الله جناح بعوضة و اد ايه هي قصيرة و مليئة بالاختبارات و الابتلاءات. عسى الله أن يردنا إليه مردا جميلا غير مخزٍ و لا فاضح.
و أن يرحم الوالد العزيز رحمة واسعة تليق بجلال وجهه و عظيم سلطانه سبحانه. آمين.
اربط على القلب يا ربنا .. لا نقول إلا ما يرضي ربنا
ibhog 
I am kinda hesitant about this comment. First of all, because I am anonymous to you and so my condolences may be indifferent to you as well. And second of all, because I am not in your shoes therefore, no matter how much I imagine how you might be feeling right now I will probably never really know it. However, I have recently come to realize that a kind word never hurts, so I want you to know that the moment I got notified about your post and read the title, I instantly prayed for you, your family and your dad, and I sincerely hope you eventually make peace with your pain. I will keep you in my prayers nshallah.
Thank you, Rana – I really appreciate it.