الحكم المطلق!

متى سنتجاوز السمة السيئة بتاعت الحكم المطلق على الناس؟ أنا شايف إن من أعظم ما تربيت عليه و تعلمته (من والداي جعله الله في ميزان حسنتاهم إلى يوم الدين) و من أثمن الدروس المستفادة من أحداث ما بعد الثورة حتى الآن هو إنك ما ينفعش تحكم حكم مطلق بالخير أو الشر على من تباينت مواقفهم.

إمتى نرتقي و نخلينا في أفكار الناس و منتجهم الفكري أو الدعوي أو التربوي بدل أشخاصهم؟ ليه مش بنوظف المجهود الجبار اللي رايح في سحق المنتجات دي و أشخاصها في التنقيح و الانتقاء و الإبقاء على الكويس؟

في خلال العقود اللي فاتت أقدر أقول إن المجهود الدعوي و الفكري الجبار اللي تم إنتاجه أكتر من نصه بكتير يمكن استخدامه الآن و بقوة (بغض النظر عن الأشخاص!). أنا بتجاوز و بقول أكتر من النص لأنه حتى لو 1% بس منه يمكن استخدامه و رميناه يبقى نحن مؤاخذون و الله!

الشباب المسلم بعد أحداث رابعة اللي فقدنا فيها صفوة الناس أصلا دخل في مرحلة تدمير ذاتي مش تنقيح و لا مراجعة. كنت براقب الموضوع رمضان بعد رمضان: كم من الهجوم و الشتم و التسفيه في كل من تسول له نفسه أن ينتج عمل فكري أو تربوي أو دعوي لا يتساوى مع توقعاتهم. الانتقاء كان بيعكس الآية: ننتقي السيء و نعمم و نرمي في الزبالة و في كتير من ذوي المجهود اختفوا فعلا و انحسروا و الساحة فضيت تماما و بقت مليانة قطوف من الآسك بس مترمية و مليانة لخبطة و جعلصة في الكلام و منظرة و كوميديا!

المنتج الهائل دا كله مرمي أونلاين لا حد بيتكلم عنه و لا يتداوله و اتملى تراب .. في حين إنك في 10 دقايق بس تقدر فعلا تستفيد بيه و تفيد بيه غيرك و الله! ولا حول ولا قوة إلا بالله!

أنا بحس إن سمة الحكم المطلق دي طول ما يتم استخدامها في الهدم هيتم استخدامها بردو في مدح أي برنامج بناء بشكل مطلق و دا بالضبط بالضبط عكس ما تعلمناه من الثورة و في ترادف تام مع بناء الطواغيت بدون أدنى مبالغة!

الحكمة (و الذكاء) إنك تستفيد على اد ما تقدر من اللي قدامك و تستخدمه.. الحياة العملية بتقول كدا.. الحياة العملية اللي هي معيار تقدم الأمم فكريا و اقتصاديا. لكن في وسطنا الدعوي و الفكري احنا مش عمليين خالص.. احنا أفلاطونيين بتوع طبطبة و بطولات و قطوف و بتنجان مقلي.

انسى الشخص. الشخص غير مهم بالمرة. اهتم بالفكرة و المجهود و التأثير. لا تلغي التنوع و إلا يبقى مالهوش لازمة الإنتاج الفكري و الدعوي أساسا و خلونا في القطوف و الهري على الفيسبوك ..

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s