عن النصائح الزوجية

كتبت دا على حيطة الفاكس بوك و قلت أكتبه هنا كمان..

بقى عندي حساسية غريبة من المقالات الفيسبوكية اللي بتتكلم عن الزواج و بتدي عشرات النصايح للشباب اللي داخلين في مواضيع. معرفش في أسباب منطقية للحساسية دي و لا لأ بس الحاجة اللي أقدر أقولها تتلخص في الآتي:

1) مفيش قواعد في الموضوع دا خالص و لو فيه فهتكون عامة جدا و غير مفيدة أو هتكون بتستلزم طريقة معينة للتربية و النشأة (غالبا مشابهة للطريقة اللي نشأ عليها اللي كاتب النصايح) و دا بياخد أعمار كاملة و مفيهوش نصايح.

2) شباب اليومين دول (ولاد و بنات) و أنا أولهم ما عندهومش أدنى فكرة يعني ايه جواز و بيت و مسؤولية. الموضوع هنا مش موضوع عدم فهم الجنس الآخر و احتياجاته على أد ما هو عدم القدرة على مشاركة الحياة و تقبل الآخر بداية (دي مشكلة مستفحلة في البلد أصلا). إحنا بنتربى في مجتمعاتنا على الاستقلالية و التحكم التام في حياتنا. لو فكرت شوية هتلاقي إن دا عكس الجواز أصلا..

3) بيضايقني جدا إن كتير من اللي بيقولوا على النصايح دي مش متجوزين. صدقوني هي مش ناقصاكم. الدليل على كدا إن بعد عرض مجموعة الفلسفات المتداولة هنا أو حتى في الكتب العالمية ذات نفسها على ناس متجوزة بيكون رد فعلهم مزيج من الضحك و الأسى.

4) أكتر ناس مؤهلة للدور دا هم الأب و الأم. لو نصيحة دول مش نافعاك يبقى أحب أقولك إن (غالبا) مفيش نصيحة هتنفعك. والدك و والدتك على الرغم من إنكارك التام لدا بيطلع كلامهم صح بشكل غريب و في أوقات غريبة و كأن الكون بيتآمر معاهم على أمنياتك و أحلامك. اسمع لهم كويس و سيبك من “خبيرة العلاقات فلانة” و أستاذ الطب اللي مش عارف ايه علان.

5) آخر نقطة: متحكمش على حد أبدا في الموضوع دا. كل القصص و العبر ليها وجهين و دايما واحد فيهم بيتم تجاهله للأسف. اوعى تنسى النقطة دي. دا اسمه (جواز) يعني كل حاجة عنه و فيه عبارة عن زوجين.

و شكرا و ربنا يرزقنا السعادة جميعا..

Advertisements

3 thoughts on “عن النصائح الزوجية

  1. فعلا الواحد مش عارف الكون ال بيتآمر مع الوالدين ده! مرة واحدة تكفي لأن تتعامل بعدها وكأن الأمر يخصهم لا يخصك. . .وإذا الأمر مشي معهم ممكن تفكر فيه بعدها :D Meaning, if they approve of it wholeheartedly, then it is time to consider the matter.
    Welcome back.

  2. انا مختلفة شوية في نقطة الأهل هم أكتر ناس مؤهة للدور ده .. في عدد كبير من الأهالي غير مدركين لابناهم و لا لتغيرات الزمن و لا لمدي تأثير الزمن ده علي أمور كتير نفسية و إجتماعية

    و متفقة جداااا مع نقطة انه مفيش معادلة ثابتة و لا روشتة تنفع .. كل حالة مختلفة تماما و تحتاج تعامل و تفهم من الطرفين و محاولات كتيرة للفهم قبل الحكم علي الأخر.

    Marriage is like a company with 2 CEOs, they must find a way to agree on the way the things to be done to maximize profits and in this case the profit is the Jannah :)

  3. Radwa: yeah, tough times for writing, thanks. And about parents, right? :)

    Fatma: this depends on families and their awareness, but almost always, and at some level, parents just become right. Thanks for reading, btw :)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s